الجمعة، 22 أبريل 2011
**ألام سوط **
السوط خنق الصوت جوايا
موت ألاف بخوذة وعصايا
حرية بتنادوا ولا جعجة
تعادلها طرقعة الضلوع جوايا
شعارات وقرارات للدورات
نرتاح فيها ولاهي الرحايا
تدور وتدور على ضلوع
متكسرة وجماجم خوايا
تعيش معاها فى راحة لاغسيل
فلوس أو روس لادى ولادا معايا
قادرين على الكلام ولو قلت
تستعملوا شبك أو تصدونى بصفايا
إمتى هتسكتوا دا كلامكم
موتنى وأحيا عدايا
كتروا وذادوا بيكم
وقاال إنتوا الضحايا
المطر عمل حداد على جيوبى
والمرتب بدر يوم طريد ويايا
لايقول سلام ولا كلام
من إيد لإيد زى البغايا
عايزنى أسكت وأتلهى
فى لقمة ماتغذى عشر خلايا
لازم أسكت وأموت من السكوت
بدل مابقية الكون يبقوا ضحايا
الخزاين مخرومة ولا الجلاجلا
بيقول طيروا ورايا
إستثمار للغرب ولا مناطق
إقتصادياتها ماتدارى العرايا
إللى بيروح مابيجى وإللى جاى
ضايع دا إحنا للوزارة سبايا
زعيط ولا معيط ولاالعبيط
بالكلام بيهرب فى الزوارق والزوايا
عارف يقول هو إنت عارف أمال مين ياأبوالعريف
دا انت ماخليت حتى النوايا
كسرت الزير وانت وزير
وانت رائيسها ضيعت النوايا
ضحكتك حلوة
وطلعتك قطعت الخلف جوايا
بتوزع إبتسامات ياأخى هات قرص
دا الجوع قرص التلافيف والحنايا
يزيد السعر على شعب
جالوا سعر وقال هو انت ورايا ورايا
فك بقا ريحنى وريح
عقول خربت وماعاد فيها خلايا
الجلد مات والقلب مات
و مش هأبقا على حد يأخد عزايا
من حقى أتكلم فى سلم ولو
منكسر الجناح زى الصبايا
سبنى أساند أخويا بالكلام
مش عايزنى أبقى زى الولايا
حرام تدفنوا فيا الصوت
هو إحنا صلصال زى البداية خوايا
القفا طاب ياشيطان إنزاح
كفاية عطف ما تزيد كوايا
سلام لوقدرت أقولة أصل
نهاية الشهر ولعت دنيايا
إسكت بقى يا لسان عليل
بدل جسمك مايبقى شظايا
أو يفقعولك عين أو الاثنين
وتزودنى عما على عمايا
متقولش سكتنا لة لاالسكوت
رضعناة وأصبح من السجايا
خلفا وملوك ومماليك وخديوية
والجمهورية عبدوها بوصايا
زى مقلتلك إسكت يالسان عليل
بدل جسمك ميبقى شظايا
بطل عويل ياعويل
عملوا رأسك لجزمهم حوايا
وتسكت بعد صوات السوط
على ظهرك وحقوقك يعملوها رواية
دنشواى قبلها وبعدهاوفيها
حمر السوط جلدك وعملوك شوايا
عزموا على دمك السايل
الغربان وأكلت عقلك الحدايا
ماتفكرش هما الروس والفلوس
وأنت الحمار شايل السقايا
يواسوك يامحدود دا ماخلوا
فيك للدود بقايا
هأقولها سلام ومتصوتوش
أصل السوط إنغرس جوايا
إتنكبت وإتنكست وماتعلمت
ياأنت أصم يا التاريخ رغايا
الشاعر/ آحمد قاسم
الاشتراك في:
الرسائل (Atom)