نازل عشان أعيش
في عمر طفل مشفنيش
لضحكة بنوتة محبتنيش
لدعوة أم مولدتنيش
نازل أقول للظالم لا
عايز الحق
عايز العدل
عايز الرحمة لأب مربنيش
نازل أكسر طوق التبعية
لدولة مصالحها متهمنيش
لقمح زرعتة مأكلتنيش
لهدمة مهلهلة مكستنيش
نازل أقول حرام
الحزام زنق و لسة الجوع مسبنيش
العقل إتحرق علي كذاب مصدقنيش
الظالم عبد و الرب رحمني مظلمنيش
نازل أقول للكذاب
بطل بقي لا شوفت عسل
و لا يوم هأصدق إللي محستوش
إسكت متصدعنيش
نازل للي معاة المفتاح
صك غفرانة مزور
جهلة ظلام
الجنة مدخلنيش
نازل عشان أعيش
ببسمة بضحكة بدعوة
واثق في ربي العادل
يا رب إنصرني متخزلنيش .
