لية يا مخلوع بطلت تموت ؟؟!!
لية دا صبح و ليل كنت بتستموت
بتغزي العين ياصغنطط
و لا جالك تطمينة ضدنا
بطلت تستعطف
قصدي تستعبط
فاكر صناعتك إتملكوا
إتحكموا في رقابنا و لحمنا
أنا قلقان عليك
يكونش الموت تعب جنابك
أو أبانا ناسي إللي جابة
و لا كلمة أحبابة عن غشمنا
خلينا في أخبار الإرهاب
و مطاريد يهربوا زي الدخان و الهباب
سيبتوهم و لا مسكتوهم
دول و لادكم عملتوهم ... لينا
تكملوا بيهم لوحة زلنا
جدتي قالت ما يقعد علي المداود إلا ...
إنت و ملاعينك أشر خلق ربنا
إنت عدو خان
مص دمنا
سرق عمرنا
كسر حلمنا
زي إللي أسفينك
أستاذهم في الفساد ... مفتقدينك
بترزيتك و جلادينك
لكن خليك ... لعقابك مننا
عقابك تعيش زينا
تاكل أكلنا
تسكن حينا
تغلب غلبنا
مش هتصبر صبرنا
لأنك ببساطة مش إنسان
زرعت فسادك و إرهابك
يتأسف عليك غربان
بظلمك و إجرامك ضدنا
عبيدك شرستهم يا شرهم
العجيب موتك زي حياتك
بذرة قذرة منك طلعتهم لغلبنا
جدورها مكلبشة زي الإخوان
مكلبشة في الفاسد و إللي خان
عيش جنابك كل لحمنا
بكلابك السعرانة مص في دمنا
بيحموا وطنا مننا بيحرمونا حقنا
بيقتصوا للي مات منا مننا
هو عيب الزمان
لا دا العيب مننا !!!!!!!
ليست هناك تعليقات:
إرسال تعليق