تكونش شكلاااتة ؟؟
يا حكومة النايمين الفاسدين
الحالبين للمحلوبين
إنتوا فين .. نايمين
طيب أسفين
أصل إحنا مزعجين
للحرامية و الفاسدين
للأدعياء الكذابين
لولاد مبارك النهابين
لأيتام السيسي الملمومين
لعشيرة مرسي الظالمين
لكل العبيد
إللي مبايعين و بايعين
مات عبدالودود
أكلة الدود
الخال غير جلدة
و بيمدح المجرمين
الكذابين في الليالي السود
قال بقو إسود !!
لية تختمها بذلة ؟؟
ولا فية ذلة كسرة المناضلين ؟؟
فاكر عمر بتاع البطاطا ؟؟
كان فقير و ما طاطا
مات عمر بإديهم
و عاش المحنين
صدقت دومة قتل الشيخ ؟؟
طاب الشاويش كان فين ؟؟
دخل السلاح تحت عنية
لجل يموت المعاندين
يا خال قولي
عن حريجي القط
طب حكاية يامنة
بلاش ضحكة المساجين
في حماهم شوفنا العجب
وأدراج مليها التلافيق
فوق يا كل عجوز
سيبو ذلة النايمين
إنت مين ؟؟
كنت مين ؟؟
جيت منين ؟؟
محيت تاريخ السنين
قريب من الموت
فوت رافع راسك
خايف علي البنات
أمال الحامي مين ؟؟
كتير زيك باعوا
تواريخ كتير ضاعوا
العمر باقي فية نفس ولا نفسين ؟؟
ولا التجاعيد هيمحيها البيع مع البايعين
كنت في يوم قامة
و كتير غيرك يامة
ضاعت هيبتهم
بعد ما خضعوا للخاينين
عبدالجليل و قنديل و غيرهم
باعوا حمدين بالرخيص
حجتهم العميقة و الغميقة
نسيوا الشعب و لا عميانين
متعلمتوش من التمنتاشر؟
ولا شباب إتمرد
مضحوك عليكم
عيب تكونوا خايفين
ليست هناك تعليقات:
إرسال تعليق